నాకేం

ఆమె నా ఆలోచన.......ఎవరి ఆలోచల్లో ఆమె ఉంటే నాకేం
ఆమె నా మొదటి చివరి ప్రేమ కావ్యం ఎవరు జపిస్తే నాకేం
ఆమె నా కంటి కనుపాప ఎందరి కళ్ళుపడితే మాత్రం నాకేం
ఆమె నా ప్రతిబింబాన్నిచూపే అద్దం ఎవరో మోహిస్తే నాకేం
ఆమె నా జీవితాశయ గమ్యం ఎందరికో ఆదర్శమైతే నాకేం
ఆమె కేవలం నాకుమాత్రమే సొంతం ఎవరు కావాలంటే నాకేం
ఆమె నా కొనఊపిరైతే చాలు.....నా జీవితం అంతమైనా నాకేం

ఏమిటో?

నీవు రావు నేనుండలేను
దారి మళ్ళిందో గమ్యమిదికాదో?

కళ్ళుమూసి ముఖం చిట్లిస్తావు
ప్రశ్నలంటే చాలా బెదురు నీకు!!!
వెలుగుని చూసి కళ్ళుమూస్తావు
చీకటి అంటే అతి ప్రియం నీకు!!!

ఆమె తలపులతో మరణించను
ఎవరిని తలుస్తూ తపిస్తున్నానో!!!
మరణించి కూడా నే జీవిస్తాను
అనుక్షణం ఆమె తలంపులలో!!!