Tuesday, September 13, 2022

బ్రతుకు


మనిషి అంతర్గతంగా ఎంత గాయపడితే

బహిర్గతంగా అంత మౌనం వహిస్తాడు..


మంచితనంగా ఉండి మోసపోయిన వాడే

అంతకు మించి చెడ్డవాడిగా మారతాడు..


సమయానుసారం సాగాలని కానీ లేదంటే

చెప్పేవన్నీ నోరుమూసుకుని విన్నవాడు

అంతకు మించి మాటలు వినిపించగలడు

చావడానికి కొంచెమే కష్టపడి బ్రతకడానికి

మరెంతో కృషి చేస్తూ చచ్చి బ్రతుకుతాడు!

Sunday, November 7, 2021

వెతికి విసిగి


వేరొక ఇంటి కప్పుపైన నా చందమామ 

ప్రకాశిస్తుంటే నా హృఅదయ తల్లడిల్లింది 

కన్నీటిలో నేను పూర్తిగా మునిగిపోతిని

ఒడ్డున ఉండి ఆనందిస్తున్నారు వేరెవ్వరో

మళ్ళి ప్రేమలో మునగాలంటేనే భయ్యం

కనికరించే ప్రేమ దొరకడం బహుకష్టం.. 

కంట్లో వత్తులు వేసుకుని మరీ వెతికాను 

నువ్వు తప్ప ఎక్కడా ఎవ్వరూ కానరారు

వెతికితే భగవంతుడైనా కనబడతాడంటారు

నాకు మాత్రం నీప్రేమ ఎక్కడా దొరకలేదు..


Tuesday, December 3, 2019

ఉతికిన బట్టలు

నా దుస్తులలో నీ ఆనందకరమైన పరిమళగుబాళింపులు

ఇంట్లోకి అడుగిడి పరిమళాలు పోవాలని పిండి ఆరేస్తాను

నా చేతుల్తో నేనే స్వయంగా ఇస్త్రీ చేసి మరీ మడుస్తాను

అయినా సరే ఎందుకనో పోవుగా ముడతలూ పరిమళాలు

పిండకుండా ఆరేస్తే ముడతలూ రావు పరిమళాలూ పోవు 

అలాగని ఉతక్కుండా వేసుకున్న బట్టలు ధరించనూ లేను

చెమటపట్టి మాసిన బట్టల్లో పరిమళాలు పొందు పరచలేను!  


Tuesday, February 5, 2019

జీవితం..

అంతా నా సొంతం అనుకున్న ఆరాటంలో
నాకే అన్నీ కావాలన్న అవివేకంతో 
అన్నింటినీ తీర్చుకోవాలన్న ఆర్భాటం..

సాధించి అనుభవిస్తున్న ఆనందంలో 
పట్టించుకోక చేస్తున్న ఎన్నో తప్పులతో 
అధ్యాయాలన్నీ చేస్తున్నారు భూస్థాపితం..

ఒకటి తరువాత మరొక కోరికల పరువంలో 
పనికిరాని సాంఘత్యాల సహవాసంతో 
ఎన్నో ప్రశ్నల వలన అవుతాం నాశనం..

Friday, July 6, 2018

నేను



నిన్న కోసం మొన్న నేటి కోసం నిన్న 
రేపటి కోసం నేడు బాధ పడుతూ 
ఆవేశ పడుతూ అసహాయతతో ఆందోళనతో 
బ్రతుకుతున్న జీవిని నేను...
జీవితాన్ని జీవించలేక వర్తమానంతో పోరాడలేక
బ్రతుకుని నడిపిస్తున్న బానిసను నేను
హృదయమే అడవిగా మనసే ఎడారిలా 
రెంటికీ చెడ్డ రేవడిలా భవిష్యత్తు భయంతో
బ్రతుకుతున్న జీవిని నేను...
కళ్ళుండీ కనపడనీ చెవులుండీ వినబడనీ
హృదయముండీ స్పందించని 
ఈ జీవారణ్యంలో కలుపుమొక్కని నేను
అడుగు ముందుకెయ్యలేని అభాగ్య జీవిని నేను
జీవమున్న మాంసం ముద్దలా మిగిలి 
మనసంతా నిర్జీవమై సగం కాలిన శవాన్ని నేను

Sunday, December 10, 2017

నిదురపో

సందెపొద్దు వాలి సందడంతా సోలిందీ 
అందరాని అంబరాన్న చందమామ తేలిందీ
జ్ఞాపకాలకు జోలపాడుతాను అనంటే వద్దంది  
నిదురపో అంటూ అలసిన శరీరం అంటుంది 
భాషరాని బాధలు గోలచేస్తూ నిదుర రానంది  
ఎంత అలసిపోయేయో నా ఆలోచనలు 
అలుపుతీరేలా కనుల నిదురపోదాం రమ్మంది 
కమ్మనికల కంటూ నిదురపొమ్మని జాబిలి అంది 

Wednesday, November 15, 2017

నీతో నేను

నీ అరవిరిసిన మోమును చూసా
అధరాలు కనులతో పాటు చెప్పిన 
అందమైన ఊసులు ఎన్నో విన్నా 
గంధర్వుడిని కాను నిన్ను స్తుతించ  
కవికోవిదుడను కాను నిన్ను వర్ణించ 
తత్వవేత్తను కాను నీతో తర్కించ 
ముసుగులో భావాలను దాచుకోలేను 
కోర్కెల్ని ఎదలో బంధించి మోయలేను   
మంత్రం వేసినట్లు నీ వైయనం తిలకిస్తాను 
ఏమైనా జరగనీ అంటూ ఊహల్లో విహరిస్తాను!