సంకేతం

నలుపు తప్ప తెలియని నాకు
రంగు రంగుల కలలను అందించి 
నిదుర మరచిన కనురెప్పలకి
వేదనల బరువును జతచేసి
దిక్కుతోచక పైకి ఎగురలేక
రెక్కలు తృంచి వ్యధను పెంచి  
వసంతం నాసొంతం కాదని చెప్పి  
జీవితాన్ని సమాప్తం చేసుకోమని
పరోక్ష సంకేతాలు అందించిన
నా ప్రతీ అనుభవానికి సలాం!!!  

ఇసుక పువ్వు

నేను ఒక ఇసుక పువ్వును 

అందినట్లే అంది చేజారిపోతాను

నాకు ఏ బాదరా బంధీలు లేవు

ఆకుల వంటి అనుబంధాలు లేవు

నిలకడ లేని అనిశ్చల రూపం  

గాలికి ఎగిరే ఎడారి జీవితం  

నిర్వికారంతో ఏ పరిమళం లేక 

విచ్చుకున్న ఇసుక పువ్వును..