నాతోడు

జీవితపు ఒడిలో సేదతీరుతూ కోరికంది
నేను ఎప్పుడు పరిపూర్ణత చెందుతానని
జీవితం నవ్వుతూ కోరిక తలనిమిరంది
పరిపూర్ణమైతే నీ రూపురేఖలుండవని*

జీవితానికి జీవించాలన్న ఆశ పెరిగింది
ఇతరులతో పోల్చుకోక మారిపోయానని
నన్ననుసరించే వారిని చూసి నవ్వింది
నాలోని కోరికలకి నేనే కళ్ళెం వేసానని*

జీవితపు మార్గాన్న ముళ్ళని ఏరమంది
స్నేహం శత్రుత్వము వేరొకరితో ఎందుకని
పరిపూర్ణతకి నాతోనన్నే జూదమాడమంది
ధైర్యాన్ని తోడంపింది గమ్యాన్ని చేరాలని*