పొమ్మంది

చదవడం రాయడం నేర్చి చాన్నాళ్ళైంది
మనసు నొప్పించక మాట్లడ్డమే రాకుంది

అనురాగ అల్లికల బాల్యపుస్తకం బాగుంది
లోకజ్ఞానాన్ని చదవడమే ఇంకా నేర్వకుంది

ఆదర్శాలని గమ్యాన్ని పోసిస్తూనే పెరిగింది
నలుగితోపాటు గంతలుకట్టుకుని నడవనంది

గాయపడ్డ హృదయం లోకాన్ని వెలివేసింది
అనామకంగా చావడానికైన సిధ్ధమే అనంది

నటించడం నేర్చుకుందామంటే తెలియకుంది
లోకానికి అర్థమయ్యే తాహతేలేదు పొమ్మంది