ఫ్యాషన్

ఫ్యాషన్ కి పరిభాష పాతని కొత్తగా చూపడమా? 

ఆధునీకతంటూ అల్లరిపాలు కావడం అవసరమా!

అమ్మతనాన్నిదాచి అమ్మాయిని అనిపించుకోవడమా!
యువతీయువకులు వయసుదాచే విశ్వప్రయత్నమా!
నేటి-నాటి తరాల ఆలోచనా వ్యత్యాసాల సంగ్రామమా!
భారతీయ సంస్కృతి పై జరుపబడే చర్చనీయాంశమా!

ఫ్యాషన్ కి  పర్యాయపదాలంటూ అర్ధాలు ఎన్నున్నా...
ఆలోచనలు ఫ్యాషనంటూ ఆధునీకరణ అవలంభించినా!
నరనరాల్లో దాగిన అమ్మతనమంత త్వరగా జీర్ణమగునా!
విద్య నేర్పిన జ్ఞానం వయసుని వక్రదారిలో నడిపించునా! 

సౌకర్య సౌందర్యాన్నిచ్చే సాధనను కాదనదు తరమేదైనా!

పరులుమెచ్చే మన సంస్కృతిని పరులపాలుజేయ తగునా?